Embo ra Mukuru ri yenena okurundurura ehupo retu. (Hebr 4:12) Nungwari, kutja tu mune ouwa okuza komirari nomaronga waro, matu sokukambura kutja oro tjiri “embo raNdjambi.” (1Tes 2:13) Hapo matu yenene vi okukurisa ongamburiro yetu mOmbeibela?

Lesa Ombeibela eyuva arihe. Otja tji mo lesa paha oviraisiro yokutja Jehova ongu ri Omuitjange. Otjotjihorera konḓonona ounongo mbu ri membo rOmiano, nu u ripure kutja mo yenene vi okuungurisa mehupo roye ndino.—Omiano 13:20; 14:30.

Uta omakonḓononeno yapeke nga zikamena kOmbeibela. Kondja okutjiwa oviraisiro vyokutja Ombeibela ya tjangwa nombatero ya Mukuru. MOkambo komakonḓononeno kOvahongonone va Jehova, tara kehi yepu ndi “Ombeibela” nu okuzambo u yende kepu ndi “Ya tjangwa nombatero yombepo ya Mukuru.” Ove wina mo yenene okukurisa ongamburiro yoye yokutja ombuze yOmbeibela kaya rundururwa, mokukonḓonona ondjivisiro ndji ri mOruhungu No. 4 2016.

TARERA OKAVIDIO NGA ONGWAYE TJI TU NONGAMBURIRO MEMBO RA MUKURU? OKUZAMBO ZIRA OMAPURIRO NGA:

• Omatjangero wekuma koKarnak ya Egypt, ye raisa vi ouatjiri wEmbo ra Mukuru?

  Your answer

• Matu tjiwa vi kutja ombuze yOmbeibela kaya runduruka?

  Your answer

• Epu rokutja Ombeibela ngamba ya zikama ndino ri raisa vi kutja Embo ra Mukuru?—Lesa Jesaja 40:8

  Your answer