Ongwaye tji mo sokurirongera? Omapangero watjimanga nokuyakurwa mohospitala vi yenena okuya tjimanga ngunda au hi nokuundjira ko. Ku nao, komurungu woruveze kondja pu mo yenene okurirongerisa nai kutja u mune ombatero osemba, indu tji wa wirwa i youmba mbwo. Tji wa tjiti nao, mo raisa ondengero komuinyo nomatwako wa Jehova nga tjama nombinḓu.—Oviung 15:28, 29.

Matu yenene okurirongerisa vi?

• Kumba, okuzambo u tjange kutja mo yakura omapangero yeṋe mokakarata kombinḓu nga durable power of attorney (DPA). a Ovazuvarise mba papitisiwa mave yenene okukambura okakarata ko-DPA komuvatere morupa rwoumbo, na wina Identity Card (ic) kovanatje vawo ovaṱiṱi

• Tji u ri omukazendu otjingundi ningira ombapira ndji Expectant Mothers (S-401) kovanene vombongo. Ombapira ndji mai yenene okukuvatera okutoora omukambo omusemba, ohunga nomapangero ngu mape ya o munu ngunda au ri otjingundi na indu tji mo kapanduka

• Indu tji mo hepa omapangero ngu mape ya aye kamburire mo ombinḓu poo okukara pohospitala, mo sokuraera ovanene vombongo kutja ve tjiwe rukuru. Wina raera ozonganga kutja mo yakura umwe wOvahongonone va Jehova okuyekukutara

Ovanene vombongo mave yenene vi okukuvatera? Owo mave yenene okukuvatera okutjanga okakarata koye inga o-DPA. Posi ya ovanene vombongo kave nokukutyera po momapangero, orondu ondyero yoye omuini. (Rom 14:12; Gal 6:5) Indu omapangero woye tji mape ya aye ungurisa ombinḓu, ove mo sokuraera ovanene voye vombongo, mbu mave yenene okuhungira ku nOkomiti yOmapangero (HLC).

Okomiti yOmapangero mai yenene vi okukuvatera (HLC)? Ovarumendu ovakambure mbe karera mokomiti ndji, va hongwa okuvatera ozonganga na imba mbe ungura noveta kehi yomapangero okutjiwa ongurameno yongamburiro yetu ohunga nombinḓu. Owo mave yenene okuhungirira komiano vyomapangero mbi ha ungurisa ombinḓu ku nonganga yoye. Tji mo hepa, owo mave yenene okukupahera onganga ndji mai yenene okukupanga nokuhinokuungurisa ombinḓu.

TARERA OKAVIDIO NGA TOORA OMUKAMBO OMUSEMBA OHUNGA NOMBINḒU OKUZAMBO ZIRA OMAPURIRO NGA:

• Otjikeṋa tji we rihongo kokavidio tji matji yenene okukurongerisa komapangero ngu hi nokuundjira ko, ngu maye kamburire mo ombinḓu?

  Your answer