Momayuva omasenina nga, eṱe atuhe tu muna omauzeu omengi. Povikando tjiva, mape ya atu munu kutja omauzeu ngu matu munu kamaatu yenene okuyetjinda. Indu tji matu kayenda komurungu okutumbuka popezu na Jehova, eye me tu vatere okutjinda omauzeu wetu, nandarire inga omanenenene. (Jes 43:2, 4) Matu yenene vi okutumbuka popezu na Jehova indu tji tu ri kehi yomauzeu?

Ongumbiro. Indu tji matu kumbu ku Jehova okuza komutima, eye me tu pe ohange nokuṱakamisa omitima vyetu nouripura wetu, nu me tu pe omasa kutja tu yenene okutjinda omauzeu wetu.—Fil 4:6, 7; 1Tes 5:17.

Ozombongarero zetu zOukriste. Kombanda yaavihe, eṱe tu hepa ondjivisiro ndja zikamena kOmbeibela noupanga ouwa Jehova mbwe tu pa pozombongarero zetu. (Hebr 10:24, 25) Nu tji twe rirongerisa nokukara norupa pozombongarero zombongo, tu muna ombatero yombepo ondjapuke okuza ku Jehova.—Omavan 2:29.

Otjiungura tjokuzuvarisa. Indu tji matu ungura pu matu yenene motjiungura tjokuzuvarisa, i rira oupupu ku eṱe okuyandja ombango koviṋa imbi oviwa. Eṱe wina tu pamisa oupanga wetu ku na Jehova na kovakambure ovakwetu.—1Kor 3:5-10.

TARERA OKAVIDIO NGA JEHOVA ME KU YAKURA. OKUZAMBO ZIRA OMAPURIRO NGA:

• Otjikeṋa tji tja vatera Malu okukara popezu na Jehova nandarire kehi yomauzeu nga ri na wo?

  Your answer

• Tjimuna Malu, omambo nge ri mEpsalme 34:18 maye yenene vi okutuhuhumiṋa tji tu nomauzeu?

  Your answer

• Otjihorera tja Malu, matji tu vatere vi okumuna kutja Jehova u tu pa “omasa nge kapita avihe,” indu tji matu munu omauzeu?—2Kor 4:7

  Your answer