Ombura aihe ovakarere va Jehova ve undja okukazemburuka pamwe onḓiro ya Jesus. Ovivike vyokomurungu nokombunda yOmazemburukiro wOnḓiro ya Jesus, tu kara noruveze rwapeke okutanga nokuyandja ondangi ku Jehova kotjisuta tjonguturiro. (Ef 1:3, 7) Otjotjihorera, eṱe tu ungura oukukutu okuṋanga varwe kOmazemburukiro wOnḓiro ya Jesus. Tjiva ve tjita omarundurukiro kokutja ve ungurise oruveze rwawo okuungura otjovakandjira ovavatere, nondando yokuungura ozoiri 30 poo 50 mu Marta poo April. Hapo mo vanga okuungura ovingi motjiungura tjokuzuvarisa moruveze rwOmazemburukiro wOnḓiro ya Jesus? Otjikeṋa tji matji ku vatere okutjita nao?

Potuingi tu yenena okukara nondoṋeno indu tji twe rirongerisa komurungu woruveze. (Omiano 21:5) Mena rokutja Omazemburukiro wOnḓiro ya Jesus ye ri popezu, nai oruveze oruwa rokuuta okurirongerisa. Ripura nomuano mu mo yenene okuungura ovingi motjiungura tjokuzuvarisa mOmazemburukiro wOnḓiro ya Jesus, nokutja ovikeṋa mbi mo hepa okuyenenisa ondando yoye. Okuzambo ningira Jehova okusera ozongondjero zoye ondaya.—1Joh 5:14, 15.

Mo yenene okuripura nomiano tjiva mbi mo yenene okuungura ovingi motjiungura tjokuzuvarisa moruveze rwOmazemburukiro wOnḓiro ya Jesus?