Ehungi rOmusamaria omunatjari
Jesus wa serekarera ehungi ndi okuzira epuriro ndi mari tja: ‘Nu ingwi omukwetu owaṋi?’ (Luk 10:25-29) Eye aa tjiwa nawa kutja ombongo yOvakriste mai karira yovandu “avehe” nu mai kamburire mo Ovasamaria nOvandu wozonganda. (Joh 12:32) Ehungi ndi, ra honga ovemukongorere kutja mave sokutjita ozongondjero zokuraisa orusuvero kovandu varwe nandarire imba mbe heri omuhoko wawo.
RIPURA OMUINI KUTJA:
-
‘Mbi noumune uṋe ohunga novakambure ovakwetu mbe heri owombazu yandje?’
-
‘Hapo mbi kara puna imba mbu tu nonḓero imwe uriri?’
-
‘Hapo mape ya epaturura omutima wandje kutja mbi tjiwe nawa ovakambure ovakwetu mba za mozombazu pekepeke?’ (2 Kor 6:13)
Ouṋe ngu me yenene okuṋanga kutja . . .
-
tu ungure pamwe motjiungura tjokuzuvarisa?
-
meye koyandje tu ye kurya pamwe eriro?
-
tu yekukara pamwe pOmerikotameneno weṱunḓu otjikando tji matji yende?