UNGURA OUKUKUTU MOTJIUNGURA TJOKUZUVARISA | KURISA ONDJOROKA YOYE MOTJIUNGURA TJOKUZUVARISA
Ṱuna komutima
Onḓuviro yetu ku Mukuru mai sokuza komutima. (Omiano 3:1) Kunao, indu tji matu hongo matu sokuṱuna komitima vyovapuratene vetu. Omomuano uṋe?
Ko sokumuhonga ouatjiri wOmbeibela uriri, posiya mu vatera okumuna kutja ondjiviro ndjo mai ṱunu vi kehupo re na koupanga we kuna Jehova. Mu vatera okuzuva kutja omirari vyOmbeibela vi raisa orusuvero, ouwa, nousemba wa Mukuru. Nongengezero mu pura omapuriro ngu maye mu vatera kutja u noumune uṋe ohunga noviṋa mbi me rihongo. Mu vatera me ripure kutja ouwa waye mbu ma munu indu tja isa ongaro ombi poo omeritjindiro omavi. Indu tji wa munu kutja omuhongwa woye wa suvera Jehova ondjoroka yoye mai kurire ko.
TARERA OKAVIDIO NGA OKUMUNA ONDJOROKA YOKUKAISAPO OVANDU OVAHONGEWA—OKUKURISA ONDJIVIRO YOYE—ṰUNA KOMUTIMA, NU OKUZAMBO U ZIRE OMAPURIRO NGA:
-
Ongwaye Neeta tja pura Jade kutja, “Hapo we ke ripurire koviṋa mbi twa hungire ko Omandaha?”
-
Omomuano uṋe Neeta ma vatere Jade okuzuva nawa kutja omirari vyOmbeibela vi raisa orusuvero rwa Jehova ku ye?
-
Indu tji matu ṱunu komitima vyovahongwa vetu, ihi ma tji ve hingi okutumbuka popezu na Jehova
Omomuano uṋe Neeta ma vatera Jade kutja ma yenene okuraisa vi orusuvero rwe ku Mukuru?
