Omatjangwa ma ye tu hongo kutja ngatu tjinde ovarumendu ovakururume Ovakriste aayo ootate, novakazendu ovakurukaze aayo oomama, nomitanda aayo omakura wetu. (Lesa 1 Timoteus 5:1, 2.) Tjinenenene ovarumendu ovakambure mave sokutjinda ovakazendu ovakambure nondengero aihe.

Omurumendu omukambure ka sokunyanda orombe ku nomukazendu omukambure poo okutjita otjiṋa tji ma tji mu tjiti kutja me mu tire indu tje ri puna ye. (Job 31:1) Omurumendu omukambure omukombe ka sokunyandisa omukazendu omukambure omukombe nga eye tja utu okumuna kutja u nonḓero mu ye, ngunda a pe he ri nao.

Nondengero ovanene vombongo mave sokupuratena komukazendu omukambure ngu ma pura omapuriro poo ngu ma hepa ombango yapeke. Tjinenenene ovanene vombongo ve yandja ombango kovakazendu ovakambure mbe hena ovarumendu okuvetjevera.—Rut 2:8, 9.

TARERA OKAVIDIO NGA RAISA ORUSUVERO NDU HA YANDA MOMBONGO—KOVAHEPUNDU NOZOSEWA, NU OKUZAMBO U ZIRE OMAPURIRO NGA:

• Omomuano uṋe ombongo mu ya raisa orusuvero rwapeke ku Sisi Myint?

• Omomuano uṋe orusuvero ndwa raisiwa i ombongo mu rwa ri otjihorera otjiwa kovandu motjirongo ho?

• Orusuvero ndwa ru raisiwa mombongo rwa ṱuna vi komuatje omukazona wa Sisi Myint?

Mo raisa vi orusuvero rwatjiri kovakazendu ovakambure mombongo yeṋu?