Ovakambure ovakwetu ve ungura oukukutu okurongerisa ovihorera vyokuzuvarisa, nu ovazuvarise ovengi ve muna ouwa mokuungurisa ovihorera vyokuzuvarisa mbi momaturiro wawo. Mena rokutja ozongaro za panguka mouye ongondoroka, ku nao ovazuvarise mave yenene okuhungirira kepu rarwe motjiungura tjokuzuvarisa, ndi mari nana ombango yovandu momaturiro wawo. Indu tji pe nomazuvarisiro wapeke eṱe matu sokukongorera omirari avihe vyokuzuvarisa vyomazuvarisiro wapeke ngo. Ondando yetu oyokuyenenisa erakiza ra Jesus rokuzuvarisa ombuze ombwa yOuhona.—Mat 24:14.

Indu omuzuvarise tje nehungi poskole yomokati kotjivike, eye ma yenene okuhungirira kepu nda ungurisiwa povihorera vyokuzuvarisa mbi ri mokambo nga Ehupo retu rOukriste notjiungura tjetu tjokuzuvarisa. Tji pe hi nomirari vyarwe mbya raisiwa, ovazuvarise mave yenene okutoorora epuriro, etjangwa, epuriro rotjikando tjarwe poo oruveze pu mave zuvarise, mbi mavi hitasana nomaturiro wawo. Ondjivisiro ndji mai rundurura omirari mbi ri mokambo komakonḓononeno ka Juni 2020 pomukuma 8.