Mombeibela mu novihorera vyozongumbiro nḓa zuvirwa i Jehova. Indu ovakarere va Jehova tji mave munu omuano eye me zuvira ozongumbiro zawo, otjiṋa hi tji kurisa ongamburiro yawo. Ku nao eṱe matu sokuhungira oukahu ohunga noviṋa mbi matu kumbu, nu okuzambo atu kondjo okumuna kutja Jehova wa ziri vi ozongumbiro zetu nḓo. Zemburuka kutja Jehova ma zuvire ozongumbiro zoye, momuano mbu u hi nokuundjira ko, poo okukapita oviṋa mbi wa ningire. (2Kor 12:7-9; Ef 3:20) Omomiano viṋe tjiva Jehova mu ma yenene okuzuvira ozongumbiro zetu?

• Eye u tu pa omasa, noupore momuinyo, nu u zeuparisa ongamburiro yetu kokutja tu yenene okutjinda ouzeu mbu matu munu.—Fil 4:13

• Eye u tu pa ounongo wokutoora omukambo omusemba.—Jak 1:5

• Eye u tu pa onḓero nomasorero wokuyenena okutjita otjiṋa.—Fil 2:13

• Eye u tu pa oupore tji tu nozongendo.—Fil 4:6, 7

• Eye me tu pe oviṋa mbi matu hepa, nomasa momuinyo okupitira movakambure ovakwetu.—1Joh 3:17, 18

• Eye ma yandja ombatero ku imba mbu matu kumbire.—Oviung 12:5, 11

TARERA OKAVIDIO NGA JEHOVA U ‘ZUVIRA OZONGUMBIRO,’ NU OKUZAMBO U ZIRE OMAPURIRO NGA:

• Omomuano uṋe otjihorera tja Mbuti Shimizu mu matji tu tunduuza, indu tji tu ha yenene okuungura ovingi mena rouvere?

• Matu horera vi kotjihorera tja Mbuti Shimizu?