Jehova u vanga kutja omaṱunḓu ye kare nondjoroka. (Eps 127:3-5; Omuzuv 9:9; 11:9) Posi ya, mape ya atu ha kara nondjoroka mena rozombameno zouye mbwi nozondataiziro nḓe tjitwa i yovandu meṱunḓu. Hapo omundu auhe meṱunḓu ma sokutjita vi kutja ma yenene okuyeta ondjoroka meṱunḓu?

Omurumendu ma sokuyandja ondjozikiro komukazendu we. (1Petr 3:7) Mokukara pu na ye. Mokuhinokundjira ko ovingi komukazendu we, okuraisa ondangi koviṋa mbye mu tjitira, na imbi mbye tjitira eṱunḓu. (Kol 3:15) Eye u raera kutja we mu suvera nokumutanga.​—Omiano 31:28, 31.

Omukazendu u paha omiano vyokuvatera omurumendu we. (Omiano 31:12) Eye u riwisa kehi ye nokuungura nawa ku na ye. (Kol 3: 18) Eye u hungira ku na ye nondengero, nokuhungira ohunga na ye momuano omuwa.​—Omiano 31:26.

Ovanene ve kara noruveze rwokukara pu novanatje vawo. (Deut 6:6, 7) Ve raera ovanatje vawo kutja ve ve suvera. (Mat 3:17) Indu tji mave yandja omavyuriro ve raisa orusuvero nounongo.​—Ef 6:4.

Ovanatje ve raisa onḓuviro nokupuratena kovanene vawo. (Omiano 23:22) Owo ve raera omuano mu mave fula nomuano mu mave ripura kovanene vawo. Owo ve yakura omavyuriro okuza kovanene vawo nokuveraisira ondengero.​—Omiano 19:20.

TARERA OKAVIDIO NGA KAREYE NENYANDO MEṰUNḒU REṊU. OKUZAMBO ZIRA EPURIRO NDI:

Okaṋepo akehe meṱunḓu ka tjiti vi mbya tjiti kutja eṱunḓu ri kare nondjoroka?