Mu Septemba matu tjiti ozongondjero zokuraera ovandu kutja Ouhona wa Mukuru, owo au yerike ombu mau isa po omauzeu wovandu ayehe. (Mat 24:14) Mo yenene vi okukara norupa? Momueze mbo lesera ovandu ovengi etjangwa ohunga nOuhona wa Mukuru, otja pu mo yenene. Indu omundu tji ma raisa onḓero mu pa okambo kOtjiwaṋa nga Oruhungu No. 2 2020. Tji mo yenene kavarure omundu ngo tjimanga, nu u kondje okuuta okurihonga ku na ye Ombeibela mokuungurisa okambo nga Yorokera ehupo nga aruhe. Imba avehe mbu mave vanga okukarera otjOvakandjira ovavatere, mave yenene okutoorora okuungura ozoiri 15 poo 30.

Moruveze rwatjimanga Ouhona wa Mukuru mau ye ku nyona ozohoromende zovandu azehe. (Dan 2:44; 1Kor 15:24, 25) Ngatu ungurise oruveze ndwi momuano omuwa mokuraisa kutja tu yandja oruvara ku Jehova nOuhona we.