Ozondando motjira tja Jehova ze kamburira mo oviṋa avihe mbi twa yenenisa kutja tu ungure ovingi nokuyorokisa omutima wa Jehova. Ozo ze tu vatera okurira ovandu mbe kura mongamburiro, nu oomuano omusemba wokuungurisa oruveze nomasa wetu. (1Tim 4:15) Ongwaye tji matu sokutara kozondando zetu aruhe? Omena rokutja oviṋa vi runduruka. Mape ya ondando ndji twa ri na yo rukuru kamaa i hitasana nongaro ndji tu ri mo nai, poo mape ya twa yenenisa rukuru ondando ndjo, nu matu hepa okuritwapera yarwe.

Oruveze oruwa rwokuritwapera ozondando opomautiro wombura ombe yoviungura vyetu. Ma rire nawa tji mwa hungirire kepu ndi pomerikotameneno weṱunḓu, nokuritwapera ozondando otjeṱunḓu poo kove omuini.

U nozondando zeṋe moviṋa mbya tamunwa kehi mba, nu mo toora omikambo viṋe okuyenenisa ozondando nḓo?