OKUHUPA OTJOVAKRISTE
Okurwira nokuzikamisa ombuze ombwa kotjiveta
Indu ovapirukire tji va tjaera Ovaisrael okutungurura ondjuwo ondjapuke, ovatunge va kondja pu mave yenene kutja ve kare nousemba wokutunga. (Esra 5:11-16) Momuano otjingewo Ovakriste ndino ve kondja kutja ve kare nousemba wokotjiveta wokuzuvarisa ombuze ombwa. (Fil 1:7) Okuyenena okutjita nao, Orupa ndu u ungura noviṋa vyoveta rwa zikwa pomberoo ohongora 1936. Orupa ndu ungura noviṋa vyoveta pomberoo ohongora ru twa po kutja omomuano uṋe mu maru yenene okurwira oviungura vyOuhona mouye auhe. Orupa ndwi rwa vatera vi oviungura vyOuhona, nu ovakarere va Mukuru va muna vi ouwa?
TARERA OKAVIDIO NGA OKUKAVARURA ORUPA NDU UNGURA NOVIṊA VYOVETA POMBEROO OHONGORA. OKUZAMBO ZIRA OMAPURIRO NGA:
-
Omauzeu waye Ovahongonone va Jehova ngu va muna nge notjiṋa noveta?
-
Oviposa viṋe mbi twa taara? Yandja otjihorera
-
Auhe wetu ma sokutjita vi okurwira ousemba wokuzuvarisa ombuze ombwa?
-
Opi morungovi rwetu pu matu vaza moviposa mbi mavi ṱunu kovakarere va Mukuru, nomana wOvahongonone va Jehova mbe ri motjovakamburwa mena rongamburiro yawo?
