Ovatarere mbe varura ozombongo novakazendu vawo ve norusuvero rwomeriyandjerero kovakambure ovakwao morukondwa rwawo. Owo ve ri tjimuna eṱe, ve yenene okukara noviṋa mbi mave hepa, okuurwa, okuwa momuinyo nokukara nozongendo. (Jak 5:17) Nandarire nao, ve yenena okuripurira kovakambure ovakwao mbu mave kavarura otjivike atjihe, nokuripura kutja mave yenene okuvetunduuza vi. Ovatarere mbe varura ozombongo tjiri va pwa ‘okupewa ondjambi potuvari.’​—1Tim 5:17.

Indu omuapostele Paulus tje rirongerisa okuyenda koRoma kutja ma kayandje ‘otjiyandjewa tjOmbepo’ kombongo ndjo, eye aa undjire ko kutja ve “vaterasane mongamburiro.” (Rom 1:11, 12) Omomiano viṋe mu mo yenene okuyanḓiparisa omutarere weṋu worukondwa nomukazendu we, indu tja kupa?

TARERA OKAVIDIO NGA EHUPO ROMUTARERE WORUKONDWA NGU KAVARURA OTUKONDWA TWOKOZOMBANDA. OKUZAMBO ZIRA OMAPURIRO NGA:

• Omomuano uṋe ovatarere mbe varura ozombongo novakazendu vawo mu ve raisa orusuvero rwomeriyandjerero kombongo ndji va kavarura?

  Your answer

• Ove wa muna vi ouwa kozongondjero zawo nḓo?

  Your answer

• Matu ve yanḓiparisa vi?

  Your answer