29 ku Juli–4 ku Auguste
EPSALME 69
Eimburiro 13 nongumbiro | Omambo wokuuta ombongarero (omin. 1)
1. Oviṋa mbya tjitwa mehupo ra Jesus vya hunganekwa mEpsalme
(ozomin. 10)
Nandarire kutja Jesus katjitire otjiṋa otjivi eye wa tonderwe (Eps 69:4; Joh 15:24, 25; w11-E 8/15 11 opar. 17)
Jesus wa ri omupyuke momerikotameneno wouatjiri (Eps 69:9; Joh 2:13-17; w10-E 12/15 8 opar. 7-8)
Indu Jesus tja wire momuinyo, eye wa perwe omavinu nga hovekerwe noṋango (Eps 69:20, 21; Mat 27:34; Luk 22:44; Joh 19:34; g95-E 10/22 31 opar. 4; it-2-E 650)
RIPURIRA KU IMBI: Ongwaye Jehova tja tjita kutja omaprofetero ohunga Messias ye tjangwe mOmatjangwa wOtjiheberi?
2. Okupaha ovihuze mOmbeibela
(ozomin. 10)
-
Eps 69:30, 31—Omatjangwa nga maye tu vatere vi okupwisa ozongumbiro zetu? (w99-E 1/15 18 opar. 11)
-
Ovikwaye mbye ku tjatere momalesero wOmbeibela wotjivike hi?
3. Omalesero wOmbeibela
(ozomin. 4) Eps 69:1-25 (th epu 2)
4. Omuretima—Oviṋa Jesus mbya tjita
(ozomin. 7) Otjihungiriro otjipaturuke. Nyanda OKAVIDIO, nu okuzambo hungirira ko lmd ehongwa 8 epu 1-2.
5. Omuretima—Horera ku Jesus
(ozomin. 8) Otjihungiriro otjipaturuke tji tja zikamene ko lmd ehongwa 8 epu 3-5 norupa ndwi “Wina tara.”
Eimburiro 134
6. Ovihepwa vyombongo
(ozomin. 5)
7. Oviṋa mbi mo yenene okutjita pOmerikotameneno weṋu wEṱunḓu
(ozomin. 10) Otjihungiriro otjipaturuke.
Mu Januari 2009, omakonḓononeno wombeibela wombongo, noskole yoviungura vyokuzuvarisa, nombongarero yoviungura vyOkuzuvarisa avihe mbi vya utwa okuungurirwa pamwe pombongarero yomokati kotjivike. Ihi tja tjita kutja omaṱunḓu ye kare noprograma yOmerikotameneno wEṱunḓu otjivike atjihe. Ovengi va raisa ondangi kondyero ndji, mena rokutja ye ve vatera okutumbuka popezu na Jehova nu ya pamisa oupanga wawo otjeṱunḓu.—Deut 6:6, 7.
Ovikwaye mbi mavi vatere oviuru vyomaṱunḓu okutjita kutja Omerikotameneno wEṱunḓu ye kare nondoṋeno?
-
Kareye nOmerikotameneno wEṱunḓu aruhe. Tji mamu yenene twapeye oiri ndji mamu kara nOmerikotameneno wEṱunḓu otjivike atjihe. Nu twapeye eyuva rarwe ndu mamu yenene okukara nOmerikotameneno weṋu wEṱunḓu, ndoovazu eyuva ndi mu kara na ro kamu nokuyenena.
-
Rirongerisa nawa. Hungira ku nomukazendu woye novanatje veṋu kutja ovikwaye mbi mave vanga okuhungirira ko pOmerikotameneno wEṱunḓu. Indu tji mu ungura oviṋa mbi mu ungura aruhe, ove ko nokuhepa okutjita omakonḓononeno omengi tjinene.
-
Rundurura oprograma otja kouhepe weṱunḓu roye. Otja ovanatje pu mave yende amave kuru ouhepe nomazuviro wawo ye yenda ama ye runduruka. Oprograma yeṋu mai sokuvatera okaṋepo akehe keṱunḓu okutumbuka popezu na Jehova.
-
Omerikotameneno wEṱunḓu ngaye tjitwe norusuvero poruveze orupore. Povikando tjiva omuinyo weyuru tji u ri nawa, mamu yenene okukatjitira Omerikotameneno wEṱunḓu pendje. Nu mamu yenene okusuva kaṱiṱi, okuzambo amu kayenda komurungu. Omerikotameneno wEṱunḓu ooruveze orusemba rwokuhungira ku novanatje veṋu ohunga nomauzeu ngu ve kondja na wo, posi ya amu ungurisa oruveze ndwi, okuverokohera nokuvepa omavyuriro.
-
Ungureye oviṋa pekepeke. Otjotjihorera mamu yenene okurirongerisa kombongarero yombongo ndji mai kongorere ko, okutarera nokuhungirira kokavidio okuza korungovi ndwi jw.org, nokuhungira kutja mamu katja vi motjiungura tjokuzuvarisa. Nandarire kutja ondando yOmerikotameneno wEṱunḓu oyokuhungira otjeṱunḓu, povikando tjiva mamu yenene okutwa po oruveze komundu auhe meṱunḓu okutjita omakonḓononeno we omuini wOmbeibela.
Hungirireye kepuriro ndi:
-
Omomiano viṋe mu mwa kondja okuungurisa oviṋa mbi pOmerikotameneno wEṱunḓu?
8. Omakonḓononeno wOmbeibela wOmbongo
(ozomin. 30) bt-AF ekond. 13 opar. 8-16, nokawongo pomuk. 105
