Ouvidio u ṱuna komitima vyovandu orondu mave rimunine nokuzuva oviṋa oveni. Ihi tji ve vatera okuyandja ombango nokuvevatera okuzemburuka oviṋa oruveze orure. Jehova wa yandja otjihorera otjiwa tjokuungurisa oviṋa mbi tu muna momahongero we.—Oviung 10:9-16; Omavan 1:1.

Ouvidio mbwi Hapo Mukuru u nena?, Who Is the Author of the Bible? na inga Matu tjiwa vi kutja Ombeibela i nouatjiri? u ṱuna kehongwa 2 no 3 rokambo nga Ombuze ombwa. Ouvidio mbwi Ongwaye tji mo sokurihonga Ombeibela?, Omahongero wetu wOmbeibela ye tjitwa vi? na inga PEtuwo rOmerikotameneno pe tjitwa tjike?, u tunduuza omundu auhe okukara nonḓero yokurihonga Ombeibela kuna eṱe nokuya kozombongarero zombongo. Ouvidio wetu tjiva oure, mau yenene okuungurisiwa okuhonga ovandu tji matu tjiti omakonḓononeno wOmbeibela kuna wo.—km 5/13 3.

• Nana rukuru ouvidio mbu mo vanga okuraisira omunionganda.

• Rongerisa epuriro rimwe poo yevari ngu maye zirwa mokavidio.

• Tareye okavidio pamwe.

• Hungirira komapu omananḓengu.

• Twende komukuma wokongotwe woumbapira nu u yandje ombango kokode ndji mai ku twara kokavidio nga Ongwaye tji mo sokurihonga Ombeibela?

• Raisa okavidio nga Matu tjiwa vi kutja Ombeibela i nouatjiri? nu u yandje okambo nga Ombuze ombwa, okuzambo mu hungirire kehongwa 3.