37:1, 2

• O yandjere kutja ondoṋeno ovarunde ndji ve munika aayo ve na yo i ku isako ombango kokukarera Jehova. Yandja ombango koviṋa oviyapuke nozondando zoye motjingura tjaJehova.

37:3

• Kara nongamburiro kutja Jehova me ku vatere momauzeu aehe. Eye me ku vatere kutja u panḓere pouṱakame woye.

• Ungura ovingi motjiungura tjokuzuvarisa ombuze ombwa ohunga nOuhona waMukuru.

37:4

• Twapo oruveze rwokulesa Embo raMukuru nokuripurira oukoto ku ro au nondando yokutja u tjiwe Jehova nawa.

37:5, 6

• Kara nongamburiro okuura kutja Jehova me ku vatere okutjinda ouzeu ngamwa auhe.

• Kara nongaro ombwa nandarire kehi yomapirukiro, ondatumisire poo omakuminino.

37:7-9

• O hakahana okutoora omikambo mbi mape ya avi ku tjiti kutja u pandjare ondjoroka noupanga woye kuna Jehova.

37:10, 11

• Tjita ousemba nu u undje ku Jehova kutja ma ise po ouhasemba auhe mbu u muna.

• Vatera ovakambure ovakweṋu nu u huhumiṋe imba mbe nozombameno amo hungirire komaundjiro wouye oupe Mukuru mbu ma eta nu mbu ri popezu.