Ovanene mbe nondira ku Mukuru ve vanga okumuna ovanatje vawo ama ve karere Jehova nouṱakame. Ovanene mave yenene okuvatera ovanatje vawo, mokutjita kutja ouatjiri wOmbeibela u ṱune komitima vyawo okuza kouṱiṱi. (Deut 6:7; Omiano 22:6) Nu hapo ihi tji hepa omeriyandjerero wovanene? Ii tjinene! Posi yokutja ovikongorereko vya kapita oviṋa avihe.—3Joh 4.

Ovanene mave yenene okurihongera ovingi okuza ku Josef na Maria. Owo “iyave i koJerusalem kEyuva enene rOpaska,” nandarire kutja ihi aa tji hepa omundu okutjita ozongondjero nokuungurisa otjimariva. (Luk 2:41) Posi yokutja, okutumbuka popezu na Jehova, ombya ri oviṋa ovinanḓengu ku Josef na Maria keṱunḓu rawo. Momuano tjingewo, ovanene ndino mave yenene okuhinga ovanatje vawo momuano omusemba mokuungurisa oruveze ngamwa aruhe okuvehonga, kutja omokuhungira poo movitjitwa vyawo.—Eps 127:3-5.

TARERA OKAVIDIO NGA VA UNGURISA ORUVEZE ARUHE NDU VA MUNA, NU U ZIRE OMAPURIRO NGA:

• Omomuano uṋe Jon na Sharon Schiller mu va karera Jehova oruveze aruhe ngunda a mave kurisa ovanatje vawo?

• Ongwaye ovanene tji va sokurundurura omuano wawo wokuronga ovanatje otja kouhepe womuatje auhe?

• Ovanene mave vatere vi ovanatje vawo okupirukira omarorero wongamburiro yawo?

• Oviungurisiwa viṋe okuza kotjira tja Jehova ove mbi u ungurisa okuvatera ovanatje voye okukurisa oupanga wawo na Jehova?