OKUHUPA OTJOVAKRISTE
Yata mozondambo za Kristus
Jesus wetu pa otjihorera otjiwa, tjinenenene tji matu munu omauzeu nondatumisire. (1Petr 2:21-23) Nandarire kutja Jesus wa yambururwa, eye kena pa yaruramo ongore nandarire kutja wa ri kehi yomihihamo. (Mar 15:29-32) Otjikwaye tji tje mu vatera okupanḓera po? Eye wa tya okutjita ombango ya Jehova. (Joh 6:38) Eye wina wa yandja ombango ‘kenyando nda ri momurungu we.’—Hebr 12:2.
Hapo eṱe tu raisa ongaro iṋe indu tji twa tjitwa ouhahu mena rongamburiro yetu? Ovakriste va tjiri kave “yarura ouvi mouvi.” (Rom 12:14, 17) Indu tji twa horere komuano Kristus ma tuurunga omauzeu, eṱe tu kara nondjoroka mena rokutja twa yakurwa i Mukuru.—Mat 5:10-12; 1Petr 4:12-14.
TARERA OKAVIDIO NGA ENA RA JEHOVA ENANḒENGU TJINENE, NU U ZIRE OMAPURIRO NGA:
-
Sisi Pötzinger * wa ungurisa vi oruveze rwe nawa indu tja ri motjovakamburwa?
-
Omauzeu waye Mbuti na Sisi Pötzinger ngu va tuurunga movyovakamburwa pekepeke?
-
Ovikwaye mbi vye ve vatera okupanḓera po?
Indu tji uri kehi yomauzeu, horera ku Kristus
^ par. 6 Ena wina ri tjangwa nai Poetzinger.
