ONGWAYE TJE RI OHEPERO: Okukara nomakonḓononeno wetu oveni wEmbo ra Mukuru ku tu vatera ‘okuzuva nawa ouparanga noure noutonga noukoto’ wouatjiri. (Ef 3:18) Owo wina ye tu vatera kutja tu rire ovehinandjo nokuhina okuzunḓaka nandarire kutja tu ri mouye ourunde mbwi, amatu “panḓere pokuvepa embo romuinyo.” (Fil 2:15, 16) Omakonḓononeno wetu oveni wEmbo ra Mukuru ye tu yandjera kutja tu toorore oviṋa mbi matu hepa kourike wetu. Matu yenene okutjita vi kutja tu mune ouwa momalesero nomakonḓononeno wOmbeibela?

OMUANO WOKUTJITA NAO:

• Hwaa poo nana omikoka komazeva mOmbeibela ndji u ungurisa komakonḓononeno woye omuini, kutja omOmbeibela oini poo omokayendjezewa koye

• Otja tji mo lese Ombeibela, ripura omuini omapuriro nga: ‘Ouṋe? Otjikeṋa? Oruṋe? Opi? Omena raye? Omomuano uṋe?’

• Tjita omakonḓononeno omakoto. Ungurisa oviungurisiwa vyomakonḓononeno mbi ri po, paha otja kepu poo otja kezeva rOmbeibela

• Ripurira oukoto koviṋa mbi mo lese nokutara kutja ondjivisiro iṋe ndji mai ṱunu kehupo roye

• Ṱakamisa mbi mo rihongo mehupo roye.​—Luk 6:47, 48

TARERA OKAVIDIO NGA KEEP “A TIGHT GRIP”​—THROUGH EFFECTIVE PERSONAL STUDY, OKUZAMBO U ZIRE OMAPURIRO NGU MAYE KONGORERE MBA:

• Tjiva va tja vi ohunga nomakonḓononeno wawo oveni wOmbeibela?

• Omena raye tji matu sokuuta nongumbiro otjikando atjihe tji matu utu okutjita omakonḓononeno wetu wOmbeibela?

• Otjikeṋa tji matji tu vatere okuzuva nawa omatjangwa wOmbeibela?

• Ovizemburukiro viṋe mbi mape ya atu ungurisa mOmbeibela yetu yomakonḓononeno?

• Indu tji matu tjiti omakonḓononeno mEmbo ra Mukuru, ongwaye tje ri ounahepero okuripurira oukoto ku imbi mbi matu lese?

• Matu sokutjita vi ohunga noviṋa mbi matu rihongo?