OKUHUPA OTJOVAKRISTE

Toorora omanyando nounongo

NYANDA MO

Ongwaye tji matu sokutoorora omanyanda wetu nounongo? Orondu tji twa toorora okutarera omuvi, okupuratena keimburiro, okuhita morungovi, okulesa embo, poo okunyanda omanyando wozovidio, eṱe tu toorora kutja ovikeṋa mbi matu twa mourizemburuka wetu. Ozondando zetu ze ṱuna kongaro yetu yomeritjindiro. Ouhumandu, omanyando omengi ndino ye ura oviṋa Jehova mbya tonda. (Eps 11:5; Gal 5:19-21) Kunao, Ombeibela i tu tunduuza kutja ngatu kayende komurungu okuripurira koviṋa mbi yandja ondjozikiro ku Jehova.—Fil 4:8.

TARERA OKAVIDIO NGA WHAT ENTERTAINMENT SHOULD I CHOOSE? OKUZAMBO ZIRA OMAPURIRO NGU MAYE KONGORERE MBA:

Omanyando wovirwa vyOvaroma voruveze orukuru, ye hitasana vi nomanyando wa nambano?
Ovandu mombongo mave yenene vi okuvatera omitanda okutoorora omanyando nounongo?
Ovaroma 12:9 mari sokuṱuna vi komuano mu matu toorora omanyando?
Momaturiro weṋu mu novihorera viṋe vyomanyando omasemba?

OMANYANDO NGU TU TARERA, POO OWONGA NGU TU NYANDA OVENI?

Omanyando omengi nge tjiukwa ndino ye honga ovandu okutara poo okulesa ohunga novandu varwe, moruveze rwokuyenyanda omuini. Ozomuvi, nomambo, nozoprograma zotiivii, ze raisa oumune womundu warwe nungwari kawombwi owoye omuini. Nandarire kutja pe nomanyando ngu u yenena okulesa poo okutarera uriri, ovengi va muna kutja omanyando ngu u yenena okunyanda omuini ye eta ouwa tjinene. Otjotjihorera, tjiva ve tjaterwa okunyanda otjihumba tjorive poo okuperenda. Varwe ve tjaterwa i omanyando nge nyanderwa pendje, tjimuna ovimbere poo okukaronda ozondundu nokukatona ozondanda potuveze twomasuviro. Omanyanda ngamwa aehe ngu matu toorora, poo otjiṋa ngamwa atjihe tjokurikuturisa ouruvi, avihe mbi matu sokutjita “kohiviro ya Ndjambi.”—1Kor 10:31.

OKAMBO KOMAKONḒONONENO KEHUPO RETU ROUKRISTE NOTJIUNGURA TJOKUZUVARISA