Mozombongo zetu tu muna ovakambure ovakwetu mbu va karera Jehova oure wozombura ozengi. Matu yenene okurihongera komuano owo mu va ṱaṱera ku Jehova. Ete matu yenene okuvepura ohunga nekuruhungi rotjira tja Jehova nomauzeu ngu va muna nokutja va turunga vi nombatero ya Jehova. Nandarire mape ya atu ve ṋanga komerikotameneno wetu weṱunḓu natu rihongo kutja omomuano uṋe mu va ṱaṱera ku Jehova.

Indu tji u ri Omukriste ngwa karera Jehova ozombura ozengi, hungire noupaturuke ohunga nongamburiro yoye komitanda. Jakob na Josef va hungira kozondekurona zawo kutja Jehova we va vatera vi. (Gen 48:21, 22; 50:24, 25) Kombunda Jehova wa raera oviuru vyomaṱunḓu kutja mave sokuhonga ovanatje vawo ohunga noviungura vye ovihimise. (Deut 4:9, 10; Eps 78:4-7) Moruveze rwetu, ovanene na varwe mombongo ma ve yenene okuraera omitanda ohunga noviungura oviwa Jehova mbya yenenisa.

TARERA OKAVIDIO NGA KARE NOMBWANENO NANDARIRE KUTJA OVIUNGURA VYETU VYA TJAERWA, OKUZAMBO U PURE OMAPURIRO NGA:

• Omomuano uṋe orutavi romberooo rwa Austria mu rwa vatera ovakambure vakwetu momahi tjiva oviungura vyetu mu vya tjaerwa?

• Omomuano uṋe ovarumendu ovakambure momahi ngo mu va yenena okupamisa ongamburiro yawo?

• Omena ratjike ovazuvarise moRomania tji ve rihaṋa kotjira tja Jehova, nu va kotoka vi kotjira tje?

• Omomuano uṋe ehungi ndi mu ra yanḓiparisa ongamburiro yoye?