OVIHUZE OKUZA MEMBO RAMUKURU | JOB 1-5
Job wa ṱakama ku Mukuru nandarire kehi yomarorero
Job aa kara moUs ngunda Ovaisrael ave ri mouhuura moEngipte. Nandarire kutja Job ka ri Omuisrael, eye wa ri omukarere waJehova omuṱakame. Eye wa ri neṱunḓu enene, wa ri omutumbe nu wa ri omutjiukwa tjinene momaturiro we. Eye wa ri omuyandjandunge ngwa tengerwe tjinene nu wa ri omupangure ngu ha ri nombangu. Eye wa ri omuharupu kovasyona. Job wa ri omurumendu wongamburiro yomasa.
Job wa raisa kutja Jehova ongwa ri Omundu omunanḓengu tjinene mehupo re
-
Satan wa muna kutja Job u nongamburiro yomasa. Kunao, eye kena pa pataṋisa kutja Job u nonḓuviro ku Jehova.
-
Satan wa kuminina Job kutja u karera Jehova mena rouwa mbwe muna.
-
Kutja ma yandje eziriro esemba komatokero waSatan, Jehova wa yandjera Satan okurora omurumendu omuṱakame ngo. Satan wa eta oviwonga mehupo raJob.
-
Indu Job tja ṱakama ku Mukuru, Satan wa kuminina ovandu avehe kutja ve karera Mukuru mena rouwa mbu ve muna.
-
Job kena pa katuka poo okuyandja ondjo ku Mukuru.
