OKUHUPA OTJOVAKRISTE
Omuano wokuungurisa okambo nga Puratena ku Mukuru kutja u hupe nga aruhe
Okambo nga Listen to God ka ungurirwa okuhonga ouatjiri wOmbeibela ounanḓengu momuano woviperendero ku imba mbe ha tjiwa okulesa nawa. Ehongwa arihe romikuma vivari ri raisa oviperendero nouku okukuraisira ongongorasaneno mu mo yenene okuhungirira ko.
Okambo nga Puratena ku Mukuru kutja u hupe nga aruhe wina ke noviperendero otjingevyo tjimuna nga Listen to God, posi yokutja ke nomambo omengi nu ke yenena okuungurisiwa i ovahongwa mbe lesa nawa. Okambo nga Puratena ku Mukuru kutja u hupe nga aruhe ka ungurirwa okuhonga ouatjiri wOmbeibela ku imba mbe yenena okulesa. Pomikuma omingi pe nokaongo ku ke nondjivisiro yokomurungu ndji mamu yenene okuhungirira ko, okuisira kondjiviro yomuhongwa.
Mo yenene okuyandja okambo nga oruveze ngamwa aruhe motjiungura tjokuzuvarisa nandarire kutja kaku make yandjwa momueze mbo. Pura omapuriro kutja omuhongwa ma kare norupa nu tjita kutja ma zuve nawa. Lesa nokuhungirira komatjangwa nge ri pomaandero womukuma auhe. Tji mwa mana okurihonga okambo nga, uteye okurihonga embo ndi Ombeibela tjiri i honga tjike? poo indi Ombeibela mai yenene okutuhonga tjike? okuvatera omuhongwa woye okuvaza pondondo yombapitisimo.