OKUHUPA OTJOVAKRISTE
Vatera Eṱunḓu roye okuzemburuka Jehova
Jeremia wa pewa otjiungura tjokukarakiza Ovajuda ohunga nomayandekero ngaaye sokuya ku wo mena rokutja owo va zemba Mukuru wawo Jehova. (Jer 13:25) Otjiwaṋa tja vaza vi pondondo yokukara noupanga ouvi kuna Jehova? Omaṱunḓu waIsrael ya pandjarere oupanga wawo kuna Jehova. Oukahu kutja oviuru vyomaṱunḓu kaavi kongorere omirari vyaJehova mbya tjangwa mu Deuteronomium 6:5-7.
Omaṱunḓu nge noupanga ouwa kuna Jehova onge yanḓiparisa ombongo ndino. Oviuru vyomaṱunḓu ombi vatera omaṱunḓu okuzemburuka Jehova mokukara nOmerikotameneno wEṱunḓu aruhe. (Eps 22:27) Tji wa zu nokutarera okavidio nga ‘Omambo nga mo sokuyeṱakamisa momutima woye’—Omapuriro keṱunḓu, zira omapuriro nga:
-
Omomuano uṋe omaṱunḓu tjiva mu ya tuurunga omauzeu nge tjaera omerikotameneno weṱunḓu?
-
Ouwa wa ye omaṱunḓu omengi ngu va muna mokukara nOmerikotameneno wEṱunḓu aruhe?
-
Tji twe ya komerikotameneno weṱunḓu, omauzeu waye ngu mbi kara na wo, nu me ye ṱunu vi?