“Kareye katumba”
Nandarire kutja ehungi ra Jesus ohunga novasuko omurongo ra hungamene ovakongorere ve ovatwirisiwa, ombuze yaro wina mai ṱunu kOvakriste avehe. (w15-E 3/15 12-16) “Mamu sokukara katumba, tjinga amu hi nakutjiwa indi eyuva na indji oiri.” (Mat 25:13) Mo yenene okukahurura ehungi ra Jesus?
-
Omuvareke (ezeva. 1)—Jesus
-
Ovasuko vozondunge mba rongera (ezeva. 2)—Ovakriste mbe rirongera okuungura oviungura vyawo nouṱakame, nu mbu mave yere tjimuna ozonyose nga komaandero (Fil 2:15).
-
Omaravaerero: “Omuvareke eye ngo we ya.” (ezeva. 6)—Otjiraisiro tjomeero wa Jesus.
-
Ovasuko omayova (ezeva. 8)—Ovakriste Ovatwirisiwa mbu va ya okukahakaena ku nomuvareke, posi yokutja kave karere katumba nu kave karere ovaṱakame.
-
Ovasuko vozondunge mba panḓa okuyandja omaze wawo (ezeva. 9)—Kombunda yomatwirakero woviyambo, ovatwirisiwa ovaṱakame kamaave yenene okuvatera imba mbe ha raisire ouṱakame.
-
“Omuvareke e ya” (ezeva. 10)—Jesus me ya okupangura ku ṱa komaandero wondatumisire ondirise.
-
Ovasuko mba vozondunge ave hiti pu nomuvareke komukandi worukupo, nomuvero aupatwa (ezeva. 10)—Jesus wa woronganisa pamwe na twara ovatwirisiwa ovaṱakame keyuru, nungwari imba mbu ve hina va raisa ouṱakame va pandjara ondjambi va wo yokuyenda keyuru.