“Ingwi ngu ma vanga okurira omunene povakwao u sokurira omukarere wovakwao”
Ozonongo zOmatwako nOvafarisei overitongamise va suverere okuminikwa nokukorisiwa potuveze twomarandero.
Ozonongo zomatwako nOvafarisei overitongamise aave vanga okuriraisa ku varwe nokuvarwa otjovandu ovananḓengu. (Mat 23:5-7) Posi yokutja Jesus kaa ri nongaro ndjo. “NOmuna womundu: Eye ke ere okukarerwa, nungwari we era okukarera.” (Mat 20:28) Hapo eṱe tu vanga omerizirira mombongo ngu maye tjiti kutja tu munikwe nokutangwa i varwe? Tji matu vanga okurira ovasemba komurungu wa Jehova, matu sokuhorera ku Jesus mokuvatera varwe. Oviungura otja imbyo popengi ka vi munikwa i ovandu, nungwari vi munikwa i Jehova erike. (Mat 6:1-4) Omukarere omurisusuparise ma . . .
-
sokukara norupa mokukohorora nokuṱiza Etuwo rOmerikotameneno.
-
sokuvatera ovakurundu na varwe aruhe.
-
sokuyandja otjimariva tjouharupu okuvatera otjiungura tjOuhona.