• Ungurisa oadresa yoye omuini orutuu ku maru sokukotoka. Tji mo munu kutja kanawa okuyandja oadresa yoye omuini, mo yenene okuungurisa oadresa yEtuwo rOmerikotameneno, ovanene vombongo tji ve ku pe ousemba wokutjita nao. Posi yokutja, NGOO RORO okuungurisa oadresa yorutavi rwomberoo kokutja omundu me ku kotorere ko.

• Ungurisa ena romundu tji mo ri tjiwa. Okutjita nao maku tjiti kutja omulese aha munu kutja ngahino u noviṋa mbi mo vanga okurandisa ku ye.

• Yandja ombango komuano omuyakurwa wokutjanga, nu ungurisa oviraise vyokulesa otja tji pa sokukara. Orutuu rwoye maru sokumunika ouhirona. Tjinangara mo tjanga keke, tjanga momuano mbu mau tjiti kutja omulese me ru lese oupupu. Omambo woye kaye sokuposa tjimuna mo tjanga orutuu komunane, nu wina karu sokuposa tjimuna mo tjanga kepanga roye.

Otjihorera tjorutuu tji tji ri mba, matji ṋunisa epu ndo. Kaku nokuheya kutja tji mamu tjanga orutuu komundu momaturiro weṋu, mamu sokutjanga omambo aehe otja tji ya tjangwa morutuu ndwi. Rundurura orutuu rwoye otja kondando ndji mo tjangere, notja kozongaro nomuano oviṋa mu vi tjitwa momaturiro weṋu.