ONGWAYE TJE RI OHEPERO: Ovandu ovengi ovapoṱu ve tira okuhungira ku novandu mbu ve he i. Kunao, tu hepa ondjiviro yapeke okuzuvarisa ku wo. Jehova u raisa onḓero norusuvero kovapoṱu. (Lev 19:14) Eṱe matu yenene okuhorera ku Ye mokutoora omukambo omutenga wokuvanga okuvatera ovapoṱu okurihonga ohunga na Jehova.

OMUANO WOKUTJITA NAO:

• ‘Paha’ ovandu ovapoṱu. (Mat 10:11) Hapo pe nomundu ngu mo tjiwa ngu nomuzamumwe ngwa poṱupara? Hapo momaturiro weṋu mu nozoskoke, ozonganda zovakurundu, poo otuveze pu pe kara ovandu ovapoṱu mbu mape ya ave hepa omambo weraka rovapoṱu?

• Raisa onḓero. Indu ove tji mo raisa ohange nokuraisa kutja u nonḓero yatjiri mu wo, ihi tji tjita kutja omundu omupoṱu e he ku tira. Nu kondja okuhungira kuna ye ohunga nepu ndi mari mu nana ombango

• Vatera ovandu ovapoṱu nomambo ngu maye vevatere okutjiwa Jehova. Okuyenena okuvatera ovandu ovapoṱu poo imba mbe ha munu nawa, otjira tja Jehova tji pitisa omambo momiano pekepeke. Nu ningira omupoṱu kutja ma vanga okurihonga momuano uṋe. Omutarere woviungura vyokuzuvarisa ma sokuningira omuvatere ngu ungura nomambo mombongo okutwamo omambo wovandu ovapoṱu