Ombura aihe tu tjita ozongondjero zapeke okuṋanga ovandu momaturiro wetu, okuyekukara pOmariro Omayapuke wa Muhona. Ovengi mbu tu ṋanga ovandu mbu tu he ve i. Eṱe wina matu sokuṋanga ovandu mbu matu tjiwa. Indu omundu tja ṋangwa i omundu ngu ma tjiwa, popengi irira oupupu ku ye okuya kOmariro omayapuke. (yb08-E 11 opar. 3; 14 opar. 1) Oouṋe mbu mo vanga okuṋanga?

• Ovazamumwe

• Ovandu mbu mu ungura pamwe poo ovakweṋu mbu mu hita pamwe oskole

• Ovararanganda

• Ovandu mbu u varura rukwao, ovahongwa wOmbeibela ovakuru novape

Kombanda yanao, ovanene vombongo mave yenene okuṋanga imba mba yaruka ombunda mongamburiro. Hapo indu omundu ngu matu tjiwa tje he ri motjirongo mu tu ri matu sokutjita vi? Ove mo yenene okupaha kutja Omariro Omayapuke ma ye kara pi momaturiro we, mokunḓereka omambo nga OHUNGA NA EṰE nge ri komukuma wokomautiro morungovi ndwi jw.org, okuzambo nḓereke omambo nga “Omazemburukiro wonḓiro yaJesus.” Otja tji mo rirongere Omariro Omayapuke wa Muhona ombura ndji, ripurira ku imba mbu mo vanga okuṋanga, nu u tjite nao!