Jehovah, ‘oMukuru omunauṋingandu,’ ngu vanga kutja tu kare nondjoroka motjiungura tjetu tjokuzuvarisa. (1Tim 1:11, EEP) Eṱe matu kara nondjoroka motjiungura tjokuzuvarisa indu tji matu ungura oukukutu okukurisa ondjiviro yetu. Okupura omapuriro omuano umwe mbu pendura onḓero momundu, nu omuano omuwa wokuuta ehungi ku nomundu. Omapuriro ye tjita kutja ovandu ve ripure nokuyandja oumune wawo. (Mat 22:41-45) Okupura omapuriro nokupuratena keziriro, i ri tjimuna mo raere omundu ngo kutja, ‘Oove omunanḓengu ku ami.’ (Jak 1:19) Eziriro romundu ri tu raera kutja matu sokuhungirira ku ye.

TARERA OKAVIDIO NGA OKUMUNA ONDJOROKA YOKUKAISAPO OVANDU OVAHONGEWA—OKUKURISA ONDJIVIRO YOYE—OKUPURA OMAPURIRO, OKUZAMBO ZIRA OMAPURIRO NGA:

• Jade wa raisa ovikaṋena viṋe oviwa?

• Neeta wa ungurisa vi omapuriro okuraisa onḓero?

• Omomuano uṋe Neeta ma ungurisa omapuriro okutjita kutja Jade ma kare nonḓero mombuze ombwa?

• Neeta wa u ungurisa vi omapuriro okuvatera Jade okuripura nokuyandja oumune we?