Omauzeu ye tu ngundiparisa tjinenenene indu tji ya kara ko oruveze orure. David aa tjiwa kutja omauzeu we ku na Ombara Saul maye yanda, nu aa tjiwa kutja ongu ma rire ombara ndja kwizikwa. (1Sam 16:13) Ongamburiro ya David ye mu vatera kutja ma kare nomuretima nokuundja ku Jehova okuisa po omauzeu we.

Indu tji tu ri kehi yomauzeu eṱe matu yenene okuungurisa ounongo nondjiviro okurundurura ongaro mu tu ri. (1Sam 21:12-14; Omiano 1:4) Posi yokutja omauzeu maye kayenda komurungu nandarire kutja twa kondjo pu twa yenene okukongorera omirari vyOmbeibela. Ku nao eṱe matu sokukara nomuretima nokuundja ku Jehova, moruveze rwatjimanga eye ma yandeke omauzeu ayehe nu ma ‘pyoṋa omahoze momeho’ wetu nga aruhe. (Omavan 21:4) Matu sokuzemburuka kutja omauzeu ayehe ye yanda, kutja ya isapewa i Jehova poo ya za po mena rotjiṋa tjarwe. Okutjiwa otjiṋa hi matji tu yanḓiparisa tjinene.

TARERA OKAVIDIO NGA OVANDU MBA WANA MOUYE WOHAṊI. OKUZAMBO U ZIRE OMAPURIRO NGA:

• Omauzeu waye Ovakriste ngu va muna komamuho wehi ra America?

• Omomuano uṋe mu va raisa orusuvero nomuretima?

• Omomuano uṋe mu va kayenda komurungu okutoorora “imbi mbi ri oviwaviwa”?—Fil 1:10