Owo mba mbe nomeritjindiro omakohoke ombu mave yenene okukara noupanga ouwa ku na Jehova uriri. (1Petr 1:14-16) Otja ovahongwa vOmbeibela mbu mave isa omeritjindiro omavi, owo mave yenene okukara neṱunḓu eṋingandu, ouveruke ouwa, nokupwika ovimariva.

Ve kahururira nawa kutja Jehova u vanga kutja tu ritjinde vi, nokutja mave munu ouwa waye indu tji va ṱakamisa oviṋa mbi me ve rakiza. Vatera ovahongwa woye vOmbeibela okurundurura omuano mu ve ripura, okuzambo mai rire oupupu ku wo okutjita imbi Jehova mbye vanga. (Ef 4:22-24) Ve raera kutja nombatero ya Jehova mave yenene okuisa ozongaro ozombi nḓu va kara na zo oure wozombura ozengi. (Fil 4:13) Ve honga okukumba ku Jehova indu tji mave rorwa okutjita ouvi. Ve vatera okutjiwa okuyepa ozongaro nḓu maze tjiti kutja i rire ouzeu ku wo okutjita ouwa. Ve tunduuza okupingenisa omanyando omavi pu na inga omawa. U kara nenyando tji mo munu ovahongwa voye vOmbeibela tji mave tjiti omarundurukiro nombatero ya Jehova.

TARERA OKAVIDIO NGA VATERA OMUHONGWA WOYE OKUTUURUNGA OMERITJINDIRO OMAVI. OKUZAMBO U ZIRE OMAPURIRO NGA:

• Ovanene vombongo na Neeta va raisa vi kutja ve nongamburiro mu Jade?

• Omomuano uṋe Neeta ma vatera Jade?

• Jade aa paha vi ombatero ya Jehova?