Epanga “omundu ngu raisa orusuvero nondengero komukwao.” Indu David tja rwisa Goliat, eye na Jonatan va kara noupanga wopopezu. (1Sam 18:1) Omundu auhe u kara novikaṋena mbi tjita kutja varwe ve vange okurira omapanga we. Ku nao matu yenene okukara noupanga ouwa mbwa zikamena kondjiviro youatjiri. Okutjiwa omundu umwe nawa ku kambura oruveze nozongondjero. Posi ya motungovi twomahakaeneno i rira oupupu okutjita omapanga tjimanga. Mena rokutja ovandu tjiva motungovi twomahakaeneno kave hungire ouatjiri ohunga na wo oveni, owo ve rirongerisa rukuru kutja mave tja vi kutja varwe ve kare nonḓero mu wo. Ku nao onawa tji we ripura rukuru kutja ovandu veṋe mbu mo vanga kutja ve rire omapanga woye motungovi twomahakaeneno. O tira okunakaura ovandu mbu he ve i motungovi twomahakaeneno, orondu mo munu kutja mape ya ave fula navi. Tjiva va toorora okuhina okukara notungovi twomahakaeneno mena roumba mbu za mu two. Indu tji wa toorora okuungurisa otungovi twomahakaneno ovikeṋa mbi mo sokuripurira ko?

TARERA OKAVIDIO NGA UNGURISA OTUNGOVI TWOMAHAKAENENO NOUNONGO. OKUZAMBO U ZIRE OMAPURIRO NGA:

• Mo sokuripurira ku ye ngunda au hi ya twa ko otjiperendero poo okutjanga morungovi?

• Ongwaye tji mo sokutoorora omapanga woye motungovi nongengezero?

• Ongwaye tji mo sokutwa po kutja oruveze ndu ṱa pi ndu mo ungurisa motungovi twomahakaeneno?—Ef 5:15, 16