Tu nouvidio une womakonḓononeno wOmbeibela mbu matu yenene okuungurisa motjiungura tjokuzuvarisa. Hapo okavidio akehe ka ungurwa okuungurisiwa momuano uṋe?

• Ongwaye tji mo sokurihonga Ombeibela?—Okavidio akehe ka ungurirwa kutja ke vatere ovandu okukara nonḓero mOmbeibela nandarire kutja ve nongamburiro iṋe. Ke tunduuza ovandu okupaha omaziriro omananḓengu ohunga nehupo mOmbeibela, nu ke yandja omaziriro omasupi nomakahu. Ke kahurura kutja mo yenene okutjita vi okuningira omerihongero wOmbeibela.

• Ongwaye tji mo sokurihonga Ombeibela? (orupa orusupi) ke ri tjimuna okavidio akehe, posi ya inga ke noure wominute nozosekonde kaaṋi. Matu yenene okuraisa okavidio nga momaturiro ovandu mu ve hi noruveze rwokupuratena.

• Omahongero wetu wOmbeibela ye tjitwa vi? ka ungurwa kutja ke nane ombango yovandu koprograma yetu yomakonḓononeno wOmbeibela wotjari, nu ke yandja omaziriro komapuriro ovandu ngu mape ya ave kara na wo, nu ye kamburira mo okuningira omakonḓononeno wOmbeibela.

• Mo yakurwa komerihongero woye wOmbeibela ka ungurwa okuraisirwa kovahongwa vOmbeibela. Nandarire kutja ke ri pomukuma outjavari wembo ndi Yorokera ehupo nga aruhe, oko make yenene okuraisirwa indu tji mamu hungirire kokambo ngo wina. Okavidio ke hungirira koviṋa ovinanḓengu mbi ri membo, noviṋa omuhongwa wOmbeibela mbi me kerihonga.

Nandarire kutja ouvidio mbwi wa ungurirwa ondando kaaṋi, matu yenene okuraisa kemwe kouvidio mbwi poo okuhinda komundu tje ri ohepero. Ovazuvarise mave tunduuzwa okutjiwa ouvidio mbwi nawa, nokuungurisa motjiungura tjokuzuvarisa.