28 ku April–4 ku Mei
OMIANO 11
Eimburiro 90 nongumbiro | Omambo wokuuta ombongarero (omin. 1)
1. O hungire ko
(ozomin. 10)
O hungire oviṋa mbi mavi hihamisa “omuraranganda” woye (Omiano 11:9; w02-E 5/15 26 opar. 4)
O hungire oviṋa mbi mavi eta ohaṋi (Omiano 11:11; w02-E 5/15 27 opar. 2-3)
O hungire oviṋa oviundikwa (Omiano 11:12, 13; w02-E 5/15 27 opar. 5)
RIPURIRA KU IMBI: Omambo wa Jesus nge ri mu Lukas 6:45 maye tu vatere vi kutja atu ha hungire omambo omahihamise?
2. Okupaha ovihuze mOmbeibela
(ozomin. 10)
-
Omiano 11:17—Okuraisa otjari maku tu etere ouwa waye? (g20.1-E 11, okawongo)
-
Ovikwaye mbye ku tjatere momalesero wOmbeibela wotjivike hi?
3. Omalesero wOmbeibela
(ozomin. 4) Omiano 11:1-20 (th epu 5)
4. Okuuta ehungi
(ozomin. 4) OKUZUVARISA NGUNDA AU HE RI MOTJIUNGURA TJOKUZUVARISA. Kondja okupaha oruveze orusemba okuraera omundu ohunga noviṋa mbye rihongere pombongarero yombongo ndja kapitire. (lmd ehongwa 2 epu 4)
5. Okukavarura rukwao
(ozomin. 4) OKUZUVARISA NGUNDA AU HE RI MOTJIUNGURA TJOKUZUVARISA. Tjita tjimuna mo nyanda okavidio okuza mOviungurisiwa vyetu vyOkuhonga. (lmd ehongwa 8 epu 3)
6. Okukaisa po ovandu ovahongewa
(ozomin. 4) OKUZUVARISA MOMIVANDA VYOTJIHURO. Ningira okurihonga Ombeibela ku nomundu, nu mu raisira kutja omahongero wOmbeibela ye kayendisiwa vi. (lmd ehongwa 10 epu 3)
Eimburiro 157
7. O tjiti kutja omambo woye ye ise po ohange
(ozomin. 15) Otjihungiriro otjipaturuke.
Mena rokutja twa kwatwa mouvi, povikando tjiva tu tataiza momambo wetu ngu matu hungire. (Jak 3:8) Posi ya indu tji matu ripurire komurungu woruveze ohunga nomambo ngu matu vanga okuhungira, maku tu vatere okuhinokuhungira omambo ngu mape ya aye ketuhihamisa omutima kombunda. Kehi mba, pa tjangwa omambo tjiva nge tjita kutja ape ha kara ohange mombongo:
-
Okurihiva momuano omuvi. Imbwi omuano omundu me ritanga omuini nu ku tjita kutja varwe ve risasaneke ku na ye, nu ku eta eruru.—Omiano 27:2
-
Omambo nge hi nouatjiri. Omambo nga kaye kamburire mo ovizeze uriri, Posi ya wina ye kamburira mo omahungi nge hungirirwa owina okupukisa varwe. Omambo nge hi nouatjiri ye tjita kutja varwe ave ha kambura mweṱe nu wina ye zunḓa ena retu.—Omuzuv 10:1
-
Otuyambo otuvi. Omambo ovandu ngu ve hungira ohunga novandu varwe nu mu mu hi nouatjiri, poo okuhungira ohunga noviṋa vyovandu varwe oviundikwa. (1Tim 5:13) Oyo ye eta oviposa nohaṋi.
-
Omapindi. Omambo ngu tu hungira tji twa pindike indu varwe tji ve tu hihamisa. (Ef 4:26) Oyo ye hihamisa.—Omiano 29:22
Nyanda OKAVIDIO Nakaura oviṋa mbi teya ohange—Okarupa okasupi. Okuzambo pura epuriro ndi:
-
Ovikwaye mbi we rihongo ohunga nomuano omambo wetu mu ye tomba ohange mombongo?
Tarera okavidio nga “Paha ohange nu u teze yo nomutima woye auhe,” okumuna kutja omomuano uṋe ovakambure ovakwetu mu va tjita ohange
8. Omakonḓononeno wOmbeibela wOmbongo
(ozomin. 30) bt-AF ekond. 25 opar. 14-21
