Omundu ngu ma yenene okuvarura ondjuwo yaJehova ondjapuke eye ngwi ngu ri epanga raJehova, ngu kambura mu ye nu ngu nonḓuviro ku ye. Epsalme 15 mari kahurura imbi Jehova mbye undjira ko komapanga we.

• ma sokurira omuṱakame.

• ma sokuhungira ouatjiri nandarire momutima we.

• ma sokuraisa ondengero kovakambure ovakwao.

• ma sokutjita otja pa hee, nandarire tje ri ouzeu okutjita nao.

• ma sokuvatera imba mbe nouhepe nokuhina okuundjira ko otjiṋa.

• ka sokuyamba nu kahandjaura ovizeze ohunga novakwao.

• ka sokutjita ouvi kovakwao.

• ka sokuundjira ko kovakambure ovakwao okumutumba ndovazu ma yenene okuritumba omuini.

• ka sokupangasana na imba mbe ha karere Jehova poo mbe hi nonḓuviro ku ye.

• ka sokuyakura omapopa.