Orusuvero otjikakaterise tji tji tjita kutja eṱunḓu ri kare pamwe. Indu tji pe hi norusuvero i rira ouzeu keṱunḓu okukara nombwaneno nokuungura pamwe nawa. Omomuano uṋe ovarumendu, ovakazendu novanene mu mave yenene okuraisa orusuvero meṱunḓu?

Omurumendu worusuvero u ripurira kouhepe noumune womukazendu we. (Ef 5:28, 29) Eye u tumba nokuvatera eṱunḓu re kutja ri tumbuka popezu na Jehova, mokukara aruhe nomerikotameneno weṱunḓu. (1Tim 5:8) Omukazendu worusuvero u riwisa kehi yomurumendu we ‘nokumuyozika.’ (Ef 5:22, 33; 1Petr 3:1-6) Ovakupasane mave sokuisirasana noupukurukwe. (Ef 4:32) Ovanene vorusuvero ve raisa onḓero momuatje auhe nokuvehonga okusuvera Jehova. (Deut 6:6, 7; Ef 6:4) Omauzeu yeṋe ovanatje ngu ve muna koskole? Hapo owo ve tjinda vi oṋiṋikizire okuza kovakwao? Indu meṱunḓu tji mu norusuvero omundu auhe u kara mondjevero.

TARERA OKAVIDIO NGA RAISA ORUSUVERO NDU HA YANDA MEṰUNḒU ROYE, OKUZAMBO ZIRA OMAPURIRO NGA:

• Omurumendu worusuvero ma yenene okuparura nokuhunga vi omukazendu we?

• Omukazendu worusuvero ma yenene okuyozika vi omurumendu we?

• Ovanene worusuvero mave yenene vi okuhonga ovanatje vawo Embo ra Mukuru?