Indu tji matu kavarura ovandu rukwao poo okukonḓonona Ombeibela kuna wo, matu sokuvevatera okuzuva omapu omananḓengu nawa. Mokuungurisa ovisasanekero mbi mavi hongo, ovahongewa vetu wOmbeibela ma ve yenene okuzemburuka omapu omananḓengu ngu ve rihongo, nu ihi matji yenene okuṱuna komitima vyawo.

Indu tji mo rirongerisa okukavarura rukwao poo okuyenda komuhongwa woye wOmbeibela, toorora omapu omananḓengu ngu mo vanga okukaungurisa movisasanekero. Okuzambo toorora ovisasanekero ovipupu mbi mavi tjiukwa i ovandu ovengi. (Mat 5:14-16; Mar 2:21; Luk 14:7-11) Ripurira kombazu novitjitwa vyovapuratene voye. (Luk 5:2-11; Joh 4:7-15) Indu tji wa munu ondjoroka eye ndje nayo mena rokutja wa zuu nawa oviṋa mbi mwa hungirire ko, ove wina mo kara nondjoroka.

TARERA OKAVIDIO NGA OKUMUNA ONDJOROKA YOKUKAISAPO OVANDU OVAHONGEWA—OKUKURISA ONDJIVIRO YOYE—UNGURISA OVISASANEKERO MBI MAVI HONGO, OKUZAMBO ZIRA OMAPURIRO NGA:

• Ongwaye ovahongwa wOmbeibela tji mave sokuvaterwa okuzuva nawa omazeva wOmbeibela?

• Omomuano uṋe Neeta ma sasaneka ouatjiri mbu u ri mOvaroma 5:12?

• Omasasanekero omawa ye vatera vi ovapuratene vetu?

• Motjiungura tjokuzuvarisa, ongwaye tji twa sokuungurisa ozovidio noviungurisiwa vyarwe vyokuhonga mbi twa pewa i otjira tja Jehova?