Omavyuriro ye heya omirari nomahongero, posiya wina ye kamburira mo okupewa omberero nokuverwa. Jehova u tu vyura kutja tu rikotamene ku ye momuano omusemba. (Rom 12:1; Hebr 12:10, 11) Povikando tjiva i rira ouzeu okuyakura omavyuriro, posiya oyo yetu etera ouwa nozondaya ozengi. (Omiano 10:7) Imba mbu mave yandja nokupewa omavyuriro, mave sokuzemburuka ye?

Omuyandje womavyuriro. Ovanene vombongo, novanene, na varwe ve kondja nomasa okuyandja omavyuriro notjari norusuvero tjimuna Jehova tje tjita. (Jer 46:28) Nandarire omavyuriro omakukutu ye sokuyandjewa momuhingo omuwa nu worusuvero.—Tit 1:13.

Omuyakure womavyuriro. Nandarire kutja omavyuriro yandjwa momuhingo kaaṋi, o ye nakaura, posiya kondjisa okupuratena ku wo. (Omiano 3:11, 12) Otjovandu mbu tu he ri ohomonena, tu hepa omavyuriro nu oyo yeya momiano pekepeke. Eṱe tu vyurwa i oviṋa mbi matu lese mOmbeibela poo mbi matu zuu pozombongarero zombongo. Povikando tjiva ovakambure ovakwetu ve muna omavyuriro okuza kOkomiti ombangure. Indu tji twa yakura omavyuriro nu a tu ye ṱakamisa matu kara nehupo ewa, nu matu kahupa nga aruhe.—Omiano 10:17.

TARERA OKAVIDIO NGA JEHOVA “U VYURA IMBA MBA SUVERA,” OKUZAMBO ZIRA OMAPURIRO NGA:

• Ehupo ra Canon ra uta vi, nu ra runduruka momuano uṋe?

• Omavyuriro yeṋe worusuvero nga muna okuza ku Jehova?

• Matu rihongere ko tjike okuza kongaro ye?