Otja tji tu ri komaandero ‘womayuva omasenina,’ matu sokuundjira ko kutja omauzeu maye rire ko omengi tjinene. (2Tim 3:1; nwtsty-E study note on Mat 24:8) Indu tji pa tjitwa oviwonga, ovakarere va Jehova ve pewa omirari moruveze orusemba mbi mavi yenene okuyama omiinyo vyawo. Kokutja tu yamwe matu hepa okukurisa oupanga wetu kuna Jehova nai, nokurongerisa oviṋa mbi matu hepa indu tji kwa tjitwa oviwonga.—Luk 16:10.

• Kurisa oupanga woye kuna Jehova: Kara noprograma ombwa yoviṋa oviyapuke. Rihonga omiano pekepeke vyokuzuvarisa. O uruma indu tji wa haṋewa ku novakambure ovakweṋu oure woruveze orusupi. (Jes 30:15) Zemburuka kutja Jehova na Jesus aruhe ve ri puna ove.—od-E 176 opar. 15-17

• Rongerisa oviṋa mbi mo hepa: Okuweza kondjaṱu yoviṋa mbi mo hepa, eṱunḓu arihe ma ri sokukara novikurya, omeva nomiti omipange mbya yenene, noviṋa varwe ohamukwao na imbyo, mbi mave hepa indu tji va twa rewa koruveze rwarwe.—Omiano 22:3; g17.5-E 4, 6

TARERA OKAVIDIO NGA HAPO OVE WA RONGERA KOVIWONGA? OKUZAMBO U ZIRE OMAPURIRO NGU MAYE KONGORERE MBA:

• Omomuano uṋe mu matu yenene okukurisa oupanga wetu kuna Jehova ngunda ape hiya tjitwa oviwonga?

• Omena ratjike tje ri ounahepero . . . 

  • okuungura pamwe novanene vombongo?

  • okurongerisa oviungurisiwa ovitenga vyomapangero?

  • okutamuna oviwonga mbi mape ya avi tjitwa nokurizemburukisa kutja matu sokutjita vi mongaro aihe?

• Ovikeṋa vitatu mbi matu yenene okutjita okuvatera imba mba wirwa i otjiwonga?

RIPURA OMUINI KUTJA, ‘hapo mbe rihongo tjike ohunga nokurirongerisa komurungu woruveze okuza komutjise COVID-19?’