Otjovandu mbu tu he ri ohomonena aruhe matu sokukondja okuritjevera kozonḓuma ozombi. Indu tji twa tjiti atjihe tji matu vanga, matu pandjara oupanga wetu ku na Jehova. Otjotjihorera, tjiva ve suvera ovikurya, ozombanda, nozondjuwo ozombwa okukapita Mukuru. Varwe ve katuka omirari vya Mukuru okukovisa ozoṋduma zawo zonyama. (Rom 1:26, 27) Nu varwe ve riyandjera okuṋiṋikiziwa i yovakwao mokutjita oviṋa ovivi mena rokutja mave vanga okuyakurwa i wo.—Eks 23:2.

Matu tjevere vi ozonḓuma zetu? Matu sokukondja pu pa yenena okuyandja ombango ku imbi mbi tjata ku Mukuru. (Mat 4:4) Nu wina matu sokuriheka ku Jehova kutja me tu vatere okutjaera ozonḓuma zetu. Omena raye? Omena rokutja, eye u tjiwa imbi mbi ri ovisemba ku eṱe nu u tjiwa okukovisa ozonḓuma zetu ozombwa.—Eps 145:16.

TARERA OKAVIDIO NGA O ZUNḒA OMUINYO WOYE MOKUPEPA OMAKAYA. OKUZAMBO U ZIRE OMAPURIRO NGA:

• Ongwaye ovandu tjiva tji ve pepa omakaya?

• Oumba waye omakaya mbu ye eta korutu rwoye?

• Ongwaye okupepa omakaya tji tji ri otjiṋa otjivi?—2Kor 7:1

• Omomuano uṋe mu mo yenene okutja kako komakaya?