Otja tji matu yendere omaandero wouye mbwi, ozondjakaha motjiwaṋa, ovita, noutwe mavi takavarere ko. (Omavan 6:4) Matu rirongerisa vi komauzeu ngu maye ya moruyaveze?

• Kurisa ongamburiro yoye: Lesa omirari vyOmbeibela nomahungi ngu maye kurisa ongamburiro yoye mu Jehova na motjira tje, nu wina ngu maye ku vatere okuhinokukara nomunda. (Omiano 12:5; jr-E 125-126 opar. 23-24) Nai indwi ooruveze orusemba okutunga oupanga wopopezu ku na ovakambure ovakweṋu mombongo.—1Petr 4:7, 8

• Kara novihepwa mbi mavi hupisa: Tji mo kara ponganda kara poruveze pu pe nondjeverero, nu kara nomeva novikurya mbya yenene. Tara kutja mo sokutjita vi indu tji mo sokuza po ponganda. Tara kutja u noviṋa avihe mbi mo hepa mondjaṱu yoye, tjimuna omake, oumaska novimariva. Kara nozonomora zongoze zovanene vombongo, no ve yandja onomora yoye kutja mu hakaene oupupu.—Jes 32:2; g17.5-E 3-7

Moruveze rwozondjakaha, kayende komurungu okurikotamena ku Jehova, tjita oviṋa ovinanḓengu tjimuna okukumba, okukonḓonona Ombeibela nokukara pozombongarero zombongo aruhe. (Fil 1:10) Tje he ri ohepero o ryanga pokati kotuveze nu kara poruveze rumwe. (Mat 10:16) Haṋasana ovikurya novihepwa vyarwe ku na varwe.—Rom 12:13.

TARERA OKAVIDIO NGA HAPO OVE WE RIRONGERISA KOMAUMBA? OKUZAMBO PURA OMAPURIRO NGA:

• Omuano uṋe Jehova mu me tu vatere moruveze rwoumba?

• Omikambo viṋe mbi matu toora indu tji matu rirongerisa?

• Matu vatere vi varwe mba ṱunwa i yomaumba?