“Muhona u nonyuṋe motjiwaṋa tje.” (Eps 149:4) Nandarire kutja kaweṱe ohomonena, eye u muna ovikaṋena vyetu oviwa, noviṋa mbi matu yenene okutjita. Posi yokutja, povikando tjiva mape ya atu he rimunu nao. Mena romuano varwe mu mave tu tjindi, ku tjita kutja tu ute okurimuna kutja kaweṱe ovanahepero. Nu mape ya atu utu okumuna kutja Jehova kee tu suvera mena rozondataiziro nḓu twa tjitire rukuru. Tji tu noumune mbwo, ovikeṋa mbi mavi yenene okutuvatera?

Zemburuka kutja Jehova u yenena okumuna oviṋa mbi tu ha yenene okumuna. (1Sam 16:7) Ihi matji hee kutja eye u yenene okumuna oviṋa oviwa mbi tu ha yenene okumuna mu eṱe oveni. Otjiṋa otjiwa kutja Ombeibela i yenena okutuvatera okumuna kutja Jehova u noumune uṋe ohunga na eṱe. Matu yenene okuzuva epu ndi nawa, indu tji matu lese omahungi mOmbeibela ohunga nomuano Jehova ma raisa orusuvero rwe kovakarere ve.

TARERA OKAVIDIO NGA YANDJA OMUTIMA WOYE KU JEHOVA. OKUZAMBO ZIRA OMAPURIRO NGA:

• Otjihorera tjaihe nomuzandu we ngu ma tupuka otjikara, matji tu hongo tjike ohunga nomuano Jehova me tu vara?

  Your answer

• Omundu ngwa tjita ouvi ounene na toora omikambo vyokuṱuna oupanga we ku na Jehova, omomuano uṋe mu me rizuvisa kutja Jehova we mu isira?—1Joh 3:19, 20

  Your answer

• Omurumendu omukambure wa muna vi ouwa mokulesa nokuripurira ko oukoto kehungi ra David na Josafat?

  Your answer