Ovipuratenwa vyOmbeibela ovikeṋa? Ovyo ovipuratenwa vyOmbeibela ndji o-New World Translation. Ovyo vi pitisiwa kouṱiṱiṱiṱi momaraka omengi. Otjiṋa otjiwa ohunga novipuratenwa mbi, ovyo vi lesewa i yovandu pekepeke. Omambo ye lesewa momuano omuwa mbu mau ṋunisa epu, nu ye lesewa momuano wokutja ombuze yOmbeibela i zuvakwe nawa, nu i yenene okutuṋa komutima womundu.

Tjiva va muna ouwa waye mokuungurisa ovipuratenwa vyOmbeibela mbi? Ovengi ve muna kutja okupuratena komaraka wovandu pekepeke, ngu maye lese ohunga novandu mbe ri mOmbeibela, ku tjita kutja orupa rwOmbeibela ndwo, ru rire orunamuinyo, nu ru zuvakwe nawa. (Omiano 4:5) Ovengi wina ve muna kutja ovipuratenwa mbi, vi ve yanḓiparisa indu tji ve nozongendo.—Eps 94:19.

Okuzuva Embo ra Mukuru tji mari lesewa neraka enene, ku yenene okuṱuna kehupo retu. (2Ekuruh 34:19-21) Tji pe novipuratenwa vyOmbeibela meraka ndu u zuva nawa, mo yenene okupuratena aruhe ku vyo, otjorupa rwomerikotameneno woye.

TARERA OKAVIDIO NGA OMUANO OVIPURATENWA VYOMBEIBELA MU VI RONGERISIWA NOKUPITISIWA—OKARUPA OKASUPI. OKUZAMBO ZIRA EPURIRO NDI:

Ovikwaye mbye ku tjatere ohunga nomaunguriro nomapitisiro wovipuratenwa vyOmbeibela?