OKUHUPA OTJOVAKRISTE
Hapo we rirongerisa komauzeu nge etwa i yongorongova tji ya u?
Eṱe katu uruma indu ovitjitwa mouye tji mavi eta ouzeu wotjimariva. Omena raye? Omena rokutja tu hupa momayuva omasenina, nu Ombeibela i tu rakiza kutja atu ‘riyameke koutumbe mbu hi nomazikameno.’ (1Tim 6:17; 2Tim 3:1) Otjihorera tjOmbara Josafat matji tu hongo tjike ohunga nokurirongerisa komauzeu nge etwa i yongorongova tji ya u?
Owo tji va hungamwa i yotjimbumba tjovita otjinene, Josafat we riyameka ku Jehova. (2Ekuruh 20:9-12) Eye wa toora omikambo okurongerisa otjiwaṋa komurungu woruveze, mokutunga ovihuro ovinamasa nokuzika oumbumba wovarwe wovita. (2Ekuruh 17:1, 2, 12, 13) Tjimuna Josafat, eṱe matu sokuriyameka ku Jehova, nokurirongerisa komurungu woruveze komauzeu ngu matu kamuna.
TARERA OKAVIDIO NGA HAPO OVE WE RIRONGERISA KOMAUMBA? OKUZAMBO ZIRA OMAPURIRO NGA:
-
Auhe wetu ma yenene okutjita vi okurirongerisa komaumba?
-
Matu yenene okurirongerisa vi, kutja tu yenene okuvatera varwe?
