OKUHUPA OTJOVAKRISTE
Jehova u tjiwa imbi mbi matu hepa
Omukarere omuṱakame nomunazondunge u tu pa ovikurya “moruveze ndwa tuwa po.” Otjiṋa hi tji raisa kutja Jehova, ngu ve hongorera po, u tjiwa kutja tu hepa tjike kutja tu yenene okupamisa oupanga wetu kuna ye. (Mat 24:45) Omaworonganeno wotukondwa nozombongarero zetu zomokati kotjivike ze raisa kutja Jehova u tjiwa kutja tu hepa tjike okupamisa oupanga wetu kuna ye.
TARERA OKAVIDIO NGA 2017 TEACHING COMMITTEE REPORT, OKUZAMBO ZIRA OMAPURIRO NGU MAYE KONGORERE KO:
-
Ouṋe ngwa sokutangwa mena romaworonganeno omanene ngu tu kara nawo moruveze ndu riro nu omena raye?
-
Omarongerisiro womaworonganeno omanene ye utwa ruṋe?
-
Omapu ngu maye ka hungirirwa ko pomaworonganeno omanene ye toororwa vi?
-
Omarongerisiro womaworonganeno omanene ye kamburira mo ye?
-
Omomuano uṋe omahongero ngu tu muna pozombongarero zetu zomokati kotjivike mu zeri tjimuna inga nge yandjwa koskole ya Gilead?
-
Omomuano uṋe otupa pekepeke mu tu ungura kumwe okurongerisa okambo komakonḓononeno?
Ove u noumune uṋe ohunga noviṋa Jehova mbye tu pa okupamisa ongamburiro yetu mu ye?