Ovakriste mbu mave rongerisa orukupo rwawo ve nomikambo omingi okutoora. Owo mape ya ave munu oṋiṋikizire yokuungurisa ovimariva ovingi pomukandi wawo mena rokutja iho otjiṋa tji tji tjitwa momaturiro wawo. Nu wina omapanga novazamumwe mape ya ave yandja oumune wawo ohunga nokutja ovikwaye mbi mavi sokutjitwa pomukandi. Omirari viṋe vyOmbeibela mbi mavi yenene okuvatera ovavarekasane okurongerisa orukupo rwawo momuano mbu mau tjiti kutja ve kare nomeritjiviro omawa womomutima kombunda yorukupo nu ave ha kara nomuhihamwatima?

TARERA OKAVIDIO NGA WEDDINGS THAT HONOR JEHOVAH, OKUZAMBO ZIRA OMAPURIRO NGU MAYE KONGORERE KO:

• Omomuano uṋe omirari vyOmbeibela mbi mavi kongorere kehi mba mu vya vatera Nick na Juliana?

  • 1Kor 10:31

  • 1Joh 2:15, 16

  • Gal 5:19-21

  • 1Tim 2:9

• Ongwaye tje ri ohepero kOvakriste mbu mave kupasana okutoorora omukambure Omukriste ngu noupanga ouwa kuna Jehova okurira “omutye womariro”?—Joh 2:9, 10.

• Ongwaye Nick na Juliana tji va toora omikambo mbyo, ohunga norukupo rwawo?

• Ouṋe ngwa sokutoora omukambo omusenina ohunga nomukandi?​—w06-E 10/15 25 opar. 10.