23-29 ku Desemba
EPSALME 119:121-176
Eimburiro 31 nongumbiro | Omambo wokuuta ombongarero (omin. 1)
1. Omuano mu matu yenene okunakaura oviṋa mbi mavi tu wisa momuinyo
(ozomin. 10)
Suvera omatwako wa Jehova (Eps 119:127; w18.06 17 opar. 5-6)
Tonda imbi ovivi (Eps 119:128; w93-E 4/15 17 opar. 12)
Puratena ku Jehova nu nakaura ozondataiziro nḓe tjitwa i imba mbe ‘hi nondjiviro’ (Eps 119:130, 133; Omiano 22:3)
RIPURA OMUINI KUTJA, ‘Ovikwaye mbi me sokutjita kutja mbi suvere omatwako wa Mukuru poo me sokutjita vi kutja mbi tonde ouvi?’
2. Okupaha ovihuze mOmbeibela
(ozomin. 10)
-
Eps 119:160—Otja ketjangwa ndi, ovikeṋa mbi matu sokukambura mo? (w23.01 2 opar. 2)
-
Ovikwaye mbye ku tjatere momalesero wOmbeibela wotjivike hi?
3. Omalesero wOmbeibela
(ozomin. 4) Eps 119:121-152 (th epu 2)
4. Okuuta ehungi
(ozomin. 3) OKUZUVARISA OKUZA KONDJUWO NONDJUWO. (lmd ehongwa 1 epu 5)
5. Okukavarura rukwao
(ozomin. 4) OKUZUVARISA OKUZA KONDJUWO NONDJUWO. Raisira omundu omuano mu ma yenene okumuna ondjivisiro ndji mape ya ai mu nana ombango morungovi ndwi jw.org. (lmd ehongwa 8 epu 3)
6. Okukaisa po ovandu ovahongewa
(ozomin. 5) Otjihungiriro ku nomuhongwa wOmbeibela ngu he ya kozombongarero zombongo aruhe. (lmd ehongwa 12 epu 4)
Eimburiro 121
7. O yandjere ovimariva okukuetera omihihamo mbi he ri ohepero
(ozomin. 15) Otjihungiriro otjipaturuke.
Imba mbe vanga okukara novimariva ovingi ve “rietera omihihamo omizeu momitima.” (1Tim 6:9, 10) Kehi mba pa tjangwa omihihamo mbi tu rietera oveni indu tji twa twa po ovimariva otjotjiṋa otjinanḓengu mehupo retu.
-
Eṱe katu yenene okukara noupanga wopopezu ku na Jehova.—Mat 6:24
-
Eṱe kamaatu roro okukowa mu imbi mbi tu na vyo.—Omuzuv 5:10
-
Mai rire ouzeu kweṱe okunakaura ovitjitwa ovivi tjimuna okukora ovizeze, ourunga, novineya. (Omiano 28:20) Indu tji twa tjiti ouvi, eṱe matu utu okurimuna ondjo, okukara nena evi, nu kamaatu tjata ku Mukuru
Lesa Ovaheberi 13:5, nu okuzambo mu hungirireye kepuriro ndi:
-
Ovikwaye mbi mavi tu vatere kutja tu nakaure omauzeu nge etwa i yokusuvera ovimariva, nu omena raye?
Nandarire kutja katu suverere ovimariva, indu tji tu hi nokuviungurisa momuano omusemba mavi tu etere omihihamo.
Nyanda OKAVIDIO KOVIPERENDERO Mo yenene vi okuungurisa ovimariva momuano omusemba. Okuzambo pura omapuriro nga:
-
Ongwaye tji matu hepa okurekena kutja ovimariva vingapi mbi matu ungurisa kovihepwa vyetu, nu omomuano uṋe mu matu yenene okutjita nao?
-
Omena raye tji matu sokupwika ovimariva?
-
Omena raye tji tu ha sere okuripahera ozondjo nḓu tu hi nokuhepa?
8. Omakonḓononeno wOmbeibela wOmbongo
(ozomin. 30) bt-AF ekond. 20 opar. 1-7, nomambo wokomeho worupa ndwi 7
