OVIHUZE OKUZA MEMBO RAMUKURU | OMIANO 1-6
“Ṱakama mu Muhona nomutima woye auhe”
Eṱe tu sokukara nongamburiro okuura mu Jehova. Omaheero wena re ye tu pa ongamburiro kutja eye ma yenenisa omakwizikiro we aehe. Ongumbiro otjiṋa otjinanḓengu indu tji matu vanga okukara nongamburiro mu Jehova. Omiano ekondwa 3 ri tu kwizikira kutja tji twa kara nongamburiro mu Jehova, eye me tu sere ondaya ‘mokutusembamisira ozondjira zetu.’
Omundu ngu rivara kutja omusemba . . .
-
u tjita ozondando nokuhina okuningira omuhunga ku Jehova.
-
u nongamburiro mu ye omuini nu u kambura moumune wovandu mouye.
Omundu ngu nongamburiro mu Jehova . . .
-
u konḓonona Ombeibela, u ripura oukoto ohunga na imbi mbya lese nu u kumba ku Jehova kutja ma kare noupanga wopopezu kuna ye.
-
u paha omuhunga okuza ku Jehova mokupaha omirari vyOmbeibela mbi mavi mu vatere okutjita ozondando.
|
RUTENGA: Mbi toorora omuhunga mbu me munu kutja ombu ri omusemba. |
RUTENGA: Mbi paha omuhunga ku Jehova okupitira mongumbiro na momakonḓononeno wandje omuini. |
|
OKUZAMBO: Mbi ningira Jehova kutja ma sere ondaya komukambo mbu mba toora. |
OKUZAMBO: Mbi toora omukambo mbu mau hitasana nomirari vyOmbeibela. |
